الجزء الأول رواية جميله بقلم ديدا الشهاوي
المحتويات
شوف كده ياااخره صبري المتحضرين
وهنا شاكر الټفت للجهه اللي شاور فيه جده وهنا شاكر اټصدم
لما لاقي حسناااااا وقفه وسط زحمه من الشباب والبنات شاكر قام من مكانه وقرب من الزحمه وهو بيتزاحم عشان يوصل لحسنا كان بيخبط في البنات والشباب وهنا وصل شاكر واللي اتفاجيء ان الزحمه دي كانت علي حفله لمطرب الشاطيء والبنات كلها بترقص حولين المطرب ومنهم حسنا شاكر قرب من حسنا واللي كانت مندمجه مع الاغنيه وشباب كان حوليها بيشجعوها هنا شاكر اتعصب وقرب منها وشدها
_اه ايدي ياشاكر سبني الاغنيه حلوه اوي
_حلوه في عينك بنت قليله الادب
_الله مش احنا اقولنا كل واحد في حاله.. سبني بقي اعمل اللي عوزاه
وحسنا وهي بتتكلم كان شاكر بيشدها من وسط الزحمه وفجاءه وقف قصاده اتنين شباب عاملين زي ضلفه الباب طول بعرض بعضلات شكلهم مظبطين في الچيم جامد
_علي فين يااصاحبي وواخد المزه
_مزه.. وهنا قرب شاكر لحسنا ياعني مزه دي
_حسنا ياعني القمر اللي هو انا
وهنا... بص شاكر لشابين وكمل
_وانتوا مال حضرتكم بتتحشروا ليه
_احنا مالنا هنعرفك مالنا ازي
وهنا شاب قرب من شاكر وشل حركته وضم ايده لورا والشاب التاني ضړب شاكر بوكس جات في عينه طيرت النضاره هنا حسنا صړخت
ياجدع انت وبدات تشد في ايد الشاب اللي ماسكه شاكر وتعض فيها والشاب هنا
_اااه.. مش تقولي انه جوزك بدل مانضرب جوزك كده ونبهدله
_والله يامدام كنا فكرين بيعاكسك ولما شدك اقولنا نربيه
الله وهو راح فين جوزك
وهنا الشابين بيدورا علي شاكر عشان يتأسفوله علي اللي عملوه وشاكر ياحرام كان نازل علي ركبه عشان بيدور علي النضاره اللي طارت ومعتش شايف بعدها وهنا الشباب خدوا بالهم من شاكر علي الارض وقربت حسنا من شاكر وجبتله النضاره
_النضاره يازفت مش شايف من غيرها كتك القرف والله مادخلك في حاجه تاني
وهنا حسنا بتتلفت عشان تلاقي النضاره ولاقتها ووطت علي شاكر لبسته النضاره وهنا ساعدته عشان يقوم وهنا شاكر بيشيل ايدها من عليه والشباب واقفه تتفرج عليهم
_اسفين يااكابتن والله مكناش نعرف انك جوزها
شاكر كان شايف طشاش حتي بالنضاره لانها اتكسرت وحسنا بتحاول تكلمه وهو ماشي زي الاعمي ممد ايده
_شاكر... شاكر... استني
_سيبني احسنلك ولا ادوقك البوكس اللي خدته عشان خاطرك
_انت اللي كنت بتشدني اوي هما فكروك بضايقني
_حسنا تعرفي تخرصي مش عاوز اسمع صوتك
الجدو شاكر... انتي لوحدك ياهانم ولا حد معاكي
الست... لوحدي ياشاكر بيه بنتي لسه نايمه وانا احب اتفرج علي البحر
الجدو شاكر... والله ياهانم ذوقك راقي كفايه لبسك
الست... ميرسي شاكر بيه.. اقولي حضرتك انت عندك كام سنه
الجدو شاكر.. والله ياهانم مكلمتش ال سنه ولسه مدخلتش دنيا وبفكر ادخل من ذوقك الراقي وهنا بغمزه من الجدو شاكر
الست... بكسوف شاكر بيه من فضلك
الجدو شاكر... اموت انا واعيد السنه
وهنا الاتنين ضحكوا وفجاءه اټصدم الجد شاكر وخاف يتفضح ادام المزه بتاعته انه جد
عن اذنك ياهانم
وقام الجد شاكر بسرعه لمكان الشمسيه بتاعته
_ايه دا يابني مين اللي عمل فيك كده
_اسالك الهانم
_اقولي ياست هانم مين اللي شلفط جوزك كده
_ياجدو اتنين ضړبوه
_اقولي السبب ولا انتي مغلطيش قاعده تترقصي ولا عبالك وفالحه في الصوت العالي وبس فافتكروا اني بعكسها
_ والله يابني يشكروا انهم عندهم ډم
_بتقول ايه ياجدي بس يشكروا عشان ضړبوني دي حاجه تخنق
وهنا شاكر سابهم ومشي عشان هيطلع اوضته وطبعا الاستاذ مش شايف حاجه وهو ماشي متعصب اتخبط في تربيزه اتكعبل وقع وهنا حسنا جرت عليه عشان تساعدهواللي شخط فيها بعصبيه
_اوعي من وشي والا قسما بالله ماهيحصل طيب
وهنا سابته حسنا عشان كانت اول مره تشوف شاكر كده
حسنا رجعت لجدها
_والله ياجدو ماعملت حاجه
_كل دا ومعملتيش دا كفايه اللبس اللي انتي لابسه بزمتك دا منظر
_ياجدو دا كاش مايوه
_بتقولي ايه يابت
_مش بقول حاجه ياجدو
_ياجدو دا لبس لحر مش لبس بيت
_وماله يابت احلي غطس خو غطس البحر اللي فوق
اقومي وراه واعتذرليه
_طب وانت ياجدو مش هتطلع ترتاح ولا اي
_جدو بغمزه لا انا ورايا غطس هنا بس علي الناشف
حسنا راحت الفندق وطلعت اوضتها واول مادخلت لاقت شاكر في السرير وعامل لنفسه كمدات علي عينه وهنا حست انها غلطت قربت من شاكر وقعدت جنبه
_شاكر انا اسفه... بس اقولي هو انت زعلان ومتعصب علي ايه عشان مش قادره احدد
_متعصب علي حضرتك عشان انتي وحده مش مسؤله
_حسنا بفرحه ياعني لبسي كان مزعلك
_جدا ياحسنا
_حسنا كانت هتطير من الفرح لان شاكر بغير عليها خلاص مش هلبسه مدام مضيقك
_لا ياماما البسي بس في مكانه اللبس دا للبحر يبقي في البحر مش نرقص بيه
_والله دا اللي مزعلك اني رقصت بيه
_طبعا ياماما كل لبس وليه مكانه ياعني مثلا هتلبسي الچينز في البحر ولا فستان سورايه
_لا ميصحش تجي ازي دي وهنا رمت حسنا الخداديه في وش شاكر
_ااه حاسبي انتي عبيطه ولا اي مش شايفه عيني
_حسنا بغيظ سوري ان شاءلله التانيه يارب
_بتقولي حاجه
_لا مش بتزفت
حسنا وشاكر كل واحد منهم خد شور
وارتاحوا وفعلا ناموا لغايه بليل ومحسوش بالوقت ومصحيوش الا علي مكالمه من جدهم واللي كان بيكلم شاكر
_كل دا نووم هو الغطس كان جامد اوي ولا اي
_غطس اي ياجدي.. اقولتلك بلاش الكلام اللي مش بفهمه دا
_اخرص ياولد ... يلا اقوم انت وعروستك عشان حجزتلكم في المطعم بتاع الفندق تربيزه باسمك
_لا ياجدي خليها وقت تاني انا تعبان ومش قادر
_اقوم بطل كسل وانا وشوي ونزلكم عارف لو منزلتش انت حر بقي
_حاضر هنزل
شاكر قفل المكالمه وهو بيبرطم علي جده
_انسان لايطاق قصير بس جبار
_حسنا اصحي اقومي عشان نتعشي
_ماليش نفس عاوزه انام
_اقومي بدل ماتلاقي جدك نططلنا هنا
_يووووه حاضر
شاكر وحسنا قاموا وجهزوا عشان ينزلوا وفعلا لاقوا تربيزه باسمهم وكان الجو تحفه ورومانسي علي الاخر شاكر كان جعان ومحسش بالجوع الا لما دخل المطعم وشم الروايح
_حسنا هتطلبي ايه
_شوي ياشاكر هو احنا لسه قاعدنا
_ناكل ياماما وبعدين اقعدي براحتك
حسنا نفخت من طريقه شاكر الجو رومانسي وهو مش في دماغه.. شاكر طلب الجرسون
_امر يافندم
_عاوز العشي والمنيو من فضلك
_بس الحج حجز وطلب الاكل
_حج مين
حسنا ادخلت في الكلام
_جدو ياشاكر
_وهو يطلب ليه هياكلنا علي مزاجه
وهنا وجه كلامه للجرسون
_والحج طلب اي
_سي فودبكل انواعها
هنا شاكر كلم حسنا
_شوفتي انا مش بحب اكلات البحر هو بيحبها يجي ياكلها
_خلاص ياشاكر غير واطلب اللي انت عوزه
وهنا وجه كلامه للجرسون
_الغي الطلب دا
_تحت امرك يافندم
هنا شاكر طلب
_عاوز محشي مشكل وفراخ مشويه علي الفحم وعاوز ريش
_حاضر يافندم
وهنا الجرسون مشي وحسنا
_هتاكل دا كله
_اه عشان اعوض الضړب اللي خدته لازم اتغذي
_لاياشيخ
بعد وقت جه الاكل وشاكر نزل فيه مسح كانه بياكل في اخر زاده.. وحسنا كانت بتبص عليه وبتستغرب ازي حبت الشخص دا وازي هو دكتور اصلا
وبعد وقت كانت حسنا هيمانه في الموسيقي اللي في المطعم والاغاني
متابعة القراءة
