الشيطان شاهين بقلم هدير دودو

صور ما لتريها لأختها قائلة شفتي الفستان الأزرق داه
عجبني جدابس شوية من فوق 
همهت نور بعدم رضا قائلةبالعكس داه حلو اوي و تقدري تحطي فوقه إيشارب بنفس لونه حيبقى
عليكي تحفة يا كوكي بس مش ملاحظة إن ثمنه غالي شوية 
كاميليا بعدم إهتمام أيو هو غالي بس شاهين
قلي إشتري كل اللي أنا عاوزاه
و أنا إشتريت الفستان داه و زمانهم وصلوه الفيلا 

نور بابتسامة يا جميل يا واثق إنت مش خسارة فيكي فساتين الدنيا كلها داه إنت حرم شاهين الألفي يعني تلبسي و تتشيكي زي ما إنت عاوزة 
حركت كاميليا رأسها و هي تبتسم في وجه اختها متمتمة في نفسها لو كنتي تعرفي الحقيقة مكنتيش قلتي كده 
بقيت كاميليا حوالي ساعة أخرى في منزل والدها
قبل أن
تعود إلى الفيلا مجبرة بسبب مكالمات شاهين لها كل نصف ساعة تقريبا يلح عليها ان تعود إلى الفيلا 
نزلت من البناية لتجد سيارة شاهين متوقفة أمام البناية و ترافقه سيارات الحراسة الخاصة ركبت إلى جانبه لتتفاجئ به يلتقطها
بقوة كبيرة كادت تكسر عظامها
أبعدته عنها بصعوبة بالغة و هي تنظر له بتعجب
ليقابلها بنظرات هائمة عاشقة لم يستطع إخفائها
قائلا بلهفة وحشتيني اوي في الساعات القليلة اللي غبتيها عني دي و مقدرتش أستنى لما ترجعي البيت فقلت اجيلك بنفسي 
حركت رأسها و هي ترغم نفسها على الابتسام أمامه قبل أن تجيبه بارتباك اها طيب آسفة لو تأخرت اصل نور كنت عايزانى ابات معاها الليل 
سرعان ما تحولت ملامحه الهادئة إلى أخرى متجهمة مقاطعا كلامها بحدة لا ممنوع تباتي برا البيت مش حسمحلك بكده 
كاميليا بهدوء حاضر 
إنشغلت بتقليب هاتفها متجاهلة إياه لي ليزداد غضبه و يخطف الهاتف من بين يديها صارخا بحدة و البتاع داه مش عاوز أشوفه في إيدك طول ما إنت جنبي 
رماه على أرضية السيارة بدون إهتمام و هو يحاول السيطرة على أنفاسه المتسارعةلتلتفت له كاميليا
قائلة بتردد هي دي الصفحة الجديدة اللي عاوز تفتحها معايا
تدارك شاهين غضبه ليتحدث بنبرة خاڤتة مش عارف بس أكيد محتاج وقت مش عارف إيه اللي بيحصل معايا بس إنت حاولي لما أتكلم معاكي
متتجاهلينيش و إهتمي بيا شوية 
كاميليا بدهشة مش فاهمة 
شاهين بحدة يعني إيه مش فاهمة مش ملاحظة إني من يوم ما إعتذرتلك و طلبت منك نبتدي صفحة جديدة بقيتي باردة معايا وقتك كله يا إما مع صاحبتك يا إما مع فادي و مش بتيجي الأوضة إلا لما تتأكدي إني أنا نمت و كل ما آجي أقربلك بتبعدي عني و عن أي مكان بكون انا فيه انا بحاول اعوضك على الايام الصعبة اللي قضيتيها معايا بحاول اتغير و اكون إنسان جديد معاكي غير اللي تعرفيه بس إنت مش بتساعديني مش بتديني فرصة 
إبتسمت كاميليا بحزن قبل أن تتكلم بتردد مش فاهمة حضرتك تاعب نفسك ليه مع واحدة زيي
إشتر تها بفلوسك زي ما بتقول حيفيدك بإيه رفضي او موافقتي ما إنت متعود تعمل كل حاجة على مزاجك
شاهين بلهفةعاوزك تكوني مبسوطة معايا إنت ليه مش بتفهمي 
كاميليا بحنق غير مقصود هو إنت بتتكلم بجد عشان أنا بصراحة لسه مش مستوعبة شاكة إنك بتهزر ايوا طبعا ماهو مافيش تفسير غير كده
حضرتك ضر بتني قلم على وشي عشان تطلب مني
أنسى و اسامحك
شاهين بنبرة متعالية مهما كان اللي عملته فيكي داه كان زمان ماضي و إنتهى و مفيش قدامك حل غير إنك تنسي 
كاميليا باستهزاء أيوا طبعا ماهو كل الحكاية
زر و حكبس عليه و كل الذكريات حتتمسح من ذاكرتي
و حرجع عادي انا بقول مفيش داعي حضرتك
تتكلم معايا في الموضوع داه ثاني عشان انا مستحيل انسى او أسامح عشان اللي شفته مش قليل قول اللي عاوز تقوله و إعمل اللي عاوز تعمله إن شاء الله حتى تق تلني مش فارق معايا اصلا تعودت منك على كل حاجة 
توقفت قليلا عن التحدث قبل أن تكمل مشفتش منك حاجة حلوة عشان تشفعلك عندي خلينا نفضل زي ما أحنا لحد ما حضرتك تزهق مني وترميني زي ما رميت مراتك الاولانية
عم الصمت السيارة بقية الطريق فكاميليا لم تعد قادرة عن التكلم أكثر و شاهين لم يجد ما يدافع به عن نفسه فكل ما قالته صحيح لكنه لن يستسلم هي معه و ستبقى معه حتى و إن كان رغما عنها سيظل يحاول دون كلل او ملل ان يكسب قلبها المېت بعد أن يحييه من جديد 
في احد النوادي الرياضية الفخمة و تحديدا في قاعة كبيرة مخصصة
لرياضة الملاكمة 
يقف محمد بجانب المدرب و هما يراقبان شابان يتقاتلان بشراسة كل منهما حريص على الإطاحة بخصمه
مرت دقائق طويلة قبل أن يشير لهما المدرب بالتوقف قائلا و هو يصفق برافو يا علي برافو يا أميركفاية تدريب النهاردة و متنسوش المسابقة بعد بكرة 
أومأ
له الشابان بطاعة قبل أن يتجها إلى أحد الأبواب 
إلتفت طارق المدرب إلى محمد ليجده ينظر إلى الأرض بشرود صفق بقوة بجانب أذنه ليبعد الاخر رأسه بانزعاج و هو يصيح ياعم اوعي بلاش رزالة فصلتني 
قهقه طارق بخشونة و هو يلكم محمد علي ذراعه المعضل قائلا بمرح لسه بتفكر في المزة إياها صح
قلب محمد عينيه بملل و هو يجيبه مش حخلص منك أنا عارف بس أستاهل يا ريتني ماحكيتلك
اجابه طارق بضحك و الله داه حبقى
خبر الموسم محمد البحيري اللي عمره ما عبر بنت وقعته حتة بنت لسه في المدرسة 
رمقه محمد بحنق مجيبا أديك قلتها لسه في المدرسة يعني مستحيل أبصلها او أفكر فيها هي بس فيها حاجة مختلفة شدتني ليها مش عارف اشرحلك عشان إنت حمار و أكيد مش حتفهمني 
قطب طارق جبينه مدعيا الحزن قبل أن يتحدث بصوت حاول أن يجعله رقيقا إخصي عليك يا ميمو انا حمار 
نظر له محمد باشمئزاز و هو يجيبه بحنق إسترجل يالا ربنا يقرفك هي الدنيا ناقصة إنت لو شفتها كنت فهمت أنا أقصد إيه 
طارق بصوت عادي يا إبني من الصبح و إنت بتقلي مختلفة مختلفة صدعتني و انا بصراحة جعت
حل عني بقى و زي ما إنت قلت جو الرومنسية و الحنية داه مياكلش معايا انا عجبتني بنت اروح اتكلم معاها دغري و بعدين أقلب على مهلي 
محمد هي بطاطس عشان تقلبها بقلك بنت صغيرة بنوتة زي القمرناعمة زي حتة البسكوتة كانت بتتخانق مع أخوها الصغير يعني دماغها لسه طفلة صغيرة عاوزني اروح أتكلم معاها 
حدق به طارق قليلا ببلاهة قبل أن يجيبه عندك حق تصدق إن إنت صح و إن انا مش فاهم منك حاجة غير إن البنت عاجباك عشان إنت اول مرة تكلمني عن بنت و دلوقتي حل عني انا خلصت شغلي و مروح 
سار طارق مبتعدا عن محمد ليشتمه الاخر بصوت خاڤت قبل أن يتبعه مناديا طارق إستنى هنا بقلكإنت مش تغديت بقالك ساعتين طب إستنى
بقلك انا عازمك على فرح صاحبي
توقف طارق عن السير و هو يضع إصبعه على ذقنه يدعي
التفكير اوبن بوفيه
محمد بقهقة طبعا يا بو كرش مش همك غير بطنك دي 
ليضحك طارق قبل أن يتجها نحو بقية القاعات الرياضية في النادي
أدمعت عيني كاميليا و هي ترى صديقتها المقربة بفستان الزفاف الأبيض الذي جعلها تبدو كاميرة القصص الخيالية
هبة
تحاول بشدة ان تضغط على نفسها حتى لا تجهش من البكاء
كاميليا بسعادة أنا مبسوطة جدا عشانك يا حبيبتي
ربنا
يسعدك مع البشمهندس عمر و يتمملكوا على خير 
هبة بابتسامة جذابة ميرسي يا كوكي على كل حاجة عملتيها علشانيإنت تعبتي جدا معايا الفترة اللي فاتت و خصوصا في غياب عمر زنك فعلا أثبتيلي إنك أختي مش بس صاحبتي 
مطت كاميليا فمها بدلال لم تتصنعه قائلة بعتاب مصلحجية من يومك انا عارفاكي حسيبك انا دلوقتي عشان أروح اكمل اجهز نفسي
انا بقالي ساعتين و انا بلبس فادي و اجهزه غلبني معاه عاوز يلبس بدلة كحلي عشان يبقى شبه باباه
هبة بضحك طيب لبسيه ماهو عنده بدل كثير في الدولاب 
كاميليا بلوم داه لسه ولد صغير عوزاني البسه دواكن و غوامق مش كفاية أبوه بقلك زمانها
نور وصلت
لم تكمل كاميليا كلامها بسبب صوت الباب الذي فتح بقوة و أطلت من ورائه نور بطلتها الجذابة و هي ترتدي فستانا باللون الأزرق اللامع
ضحكت كاميليا و هي تهمس لهبة يا ريتني ذكرت مليون جنيه
بادلتها هبة الضحك و هي تستقبل نور التي إندفعت
نحوها و هي تصرخ بلوم كده يا جز مة
ماتعزمنيش على فرحكأنا كنت مقررة إني مش حاجي ولا حعبرك بس عشان خاطر كوكي هي اللي شدت فيا و اقنعتني
هزت كاميليا حاحبيها بذهول قائلة أنا و مين اللي ساحب مني عشرة آلاف جنيه عشان
نور بصړاخ و هي تباعد عن هبة ما خلاص يا كوكي
بلاش فضايح انا بس كنت بعبرها عن خالص أسفي و زعلي عشان معزمتنيش للفرحبنتقم لكرامتي يعني
ااااا إنت لسه ملبستيش حتحضري بالهدوم دي 
صړخت نور و هي تتفرس ملابس أختها لتقف كاميليا و هي ټضرب جبينها بيدها قائلة بعجل أيوا فعلا انا لازم أروحيلا أسيبكم انا بقى نص ساعة و حاجي
للميكاب ارتيست عشان تعملي ماكياجي 
خرجت كاميليا مسرعة متجهة إلى غرفتها حتى ترتدي فستانها لتلتفت نور إلى هبة متسائلة إيه داه إنت جبتي ميكاب ارتيست هنا
هبة بإيجاب أيوا أمال مين اللي عملي الميكاب بتاعي
نور و هي تحدق فيها طالعة حلوة اوي
يا بت يا هبة زي بتوع المجلات بس الميكاب آب بتاعك خفيف شويةو هادي 
هبة داه عمر مكانش عاوزني اعمل ميكاب خالصبس وافق لما قلتله إني حعمل بس حاجات خفيفة داه لو شاف الفستان حينفخني
نور بضحك لا كله إلا الفستان بصراحة تحفة أحلى من الفستان المقفل اللي لبسته كاميليا يوم فرحها
هبة بضحك أسكتي لو سمعك جوزها حيعلقك على باب الفيلا
عشان هو الي إختار الفستان
نور و هي تدعي الخۏف يا لهوي لا انا لسه صغيرة و عاوزة اعيش
وقفت فجأة من مكانها و هي تمسح بيديها على فستانها قائلة إيه رأيك بقى في الفستان تحفة صح حاجة محصلتش
هبة و هي تلوي فمها بسخرية أيوا فعلا 
نور بزعل و هي تحرك شعرها القصير الأشقر بدلال لا بقى يا هبة داه حلو اوي و عادي حتى انا لسه صغيرة يعني البس اللي انا عاوزاه على الاقل و معنديش حد
يتحكم فيا و يقلي إلبسي داه و متلبسيش داه 
حركت هبة رأسها بموافقة قبل أن تنتبه للميكاب ارتيست التي كانت تتأكد من طلتها للمرة الأخيرة 
في جناح شاهين
خرجت كاميليا من غرفة الملابس بعد أن إرتدت فستانها لتجد شاهين يقف أمام المرآة يضبط ربطة عنقه 
مرت من جانبه بسرعة و
هي تتحاشى النظر إليه متجهة إلى خارج الغرفة ليستوقفها صوته الخشن قائلا