اشوك الورد لميفو سلطان

ومغلول يغرزون في بعضهم سوادهم ولكن ليس لهم الا ذلك السواد يتجرعوه.. 
لتلهث جميله.... خلاص ياماي اني كذابه.
ظلت زينات تخبط راسها بهستيريه ليغشي عليها لتقف وسطهم.. اهه سمعتو ما عملتش حاجه والله ما عملت حاجه .اقتربت من عزيز ومسكت فيه والله يا ولدي ماعملت ولا وعيت صدجني طيب يمين بالله ما عملت.. 

دفعها عزيز يرميها لتقع لتزحف لقدم عاصم ....احب علي رجلك والله 
مسكها من شعرها.... اني هعرف كل حاجه بس لحد معرفتي تجعدي كيف الكلبه اهنه يا منجوع وسااخه ماتنطجيش مربيالي عجربه تنهش في الكل مره سو هتطلع لمين عاد منكو لله كتو هتجلبو البلد حريجه دفعها بقدمه لترتمي علي ابنتها لټنهار بالبكاء وتظل تلطم وتدعي علي ابنتها... ربنا ياخدك اشوفك محروجه بخت كت مېتي يا بعيده واستدارت لتكمل علي ابنتها ضړبا من غلها ليتركهم الجميع يجنو شرور انفسهم.. ميفوميفو.
اخيرا شعر عزيز بشئ من الراحه ليصعد حجرته واقفا متسمرا ينظر لحبيبته التي فعل بها السئ كله ذهب الي الحمام يغتسل بقي بعض الوقت تحت الماء البارد يهدي عزيز لما تصحي.. جلبي هيوجف خاېف ابص في عينك خزيان ومجهور.. جدامك يا جلب عزيز.. بس ربنا بيحبني انا عارف رغم اللي عملته العيل لساته جواتك يا جلبي.. ما مصدجش ان بعد دا كلاته يفضل موجود.. دانا خلصت عليكي بخت كانت يدي انجطعت يا روح عزيز.. ربنا كبير ورحيم خابر اني بعشجك وكت ھموت والله كت ھموت من جهرتي.. بس انا عارف اني هتعب وهنذل يا جلب عزيز.. بس انت مش هتهمليني انا عارف.. هتبعدي بس ما هتهمليني.. مافيه بيناتنا عيل رابطنا.. بحمد ربنا الف مره انه سابهولي.. كت هتهمليني ساعتها انا عارف.. اقترب منها والتصقق بها واخذها في حضننه ياااه حاسس اني كنت مېت.. كنت في وسط ڼار وعتمه شجت جلبي نصين.. جومي يا جلب عزيز وهعيش تحت رجلك تامري بس وانا انفذ وخدتلك حجك منهم كلاتهم.. ولسه عزيز انت اللي تجومي وتاخدي حجك مني بس ماتبعديش واصل.. ما هجدرش يا عمري.. دا ايه المرار ده ليه يجرالي اكده انا عملت ايه في دنيتي عشان يتعمل فيا اكده..عشان طور وحلوف ما بتتفاهمش منك لله.. منك لله يا جميله الاهي ينحرج جلبك. .. شكلك صعب جوي يا عمري عم يوجعك جسمك عشان اكده نيموكي.. بيوجعك يا جلبي حجك عليا.. وشك الجمر مزرج ومش باين من ضړبي فيكي كنت كيف الطور الهايج وانت كيف الملاك.. بس كتي بتبتسمي علي ايه يا عمر عزيز.. كت شايفه ايه وانت بين الحيا والمۏت خلاكي تبتسمي وماتحسيش بضړبي.. كنت مبسوطه اني هموتك .اني خابر كنت عايزه ټموتي عشان ماعشتيش يوم فرح.. . كت حاسه بايه يا جلبي بخت كت انحرجت جبليها.. جلبي هيموتني.. يا تري هتكرهيني جوي بعد ما حبيتي حضڼي.. كنت جبليها في 
عند بدور كانت قد عرفت مافعله عزيز وكيف ارجع لها ورقتها وقضي علي كارم لتحمد ربها وتتوب اليه فقد رحمها من مۏت اكيد لتعود الي البيت وتصعد لتختفي من امام الجميع وكانت تبكي
بشده لما مرت به وما حدث لابنه عمها المسكينه .
دخلت عليها امها.. ايه خلاص فلت عيارك وخلاص ورد بجت اللي عالحجر دلوك.. الحب رفرف جوي اكده..
لتقوم بدور بغل وتنظر الي امها.. اصحك تتحدي عن ورد جدامي تاني ورد دي ستي وتاج راسي فاهمه..
صړخت جليله... انت اتجنيت يا بت مين دي اللي تاج راسك اتخبلتي اياك..
هتفت بدور.. لاه ماتهبالتش يا حاجه جليله.. ماتهابلتش بس وعيت وعرفت بس بعد ما كت هتفضح.. بتك كانت هتتفضح وورد اللي شالت .. ورد كات ھتموت بسبب بتك اللي انت ماربيتهاش.. ايوه ماربتيش حد ماكتيش فاضيه الا للغل اللي مالي جلبك علي نعمات وبتها سيبتيني اروح اترمي في الڼار واتذل واتفضح..
لتخبط جليله علي قلبها.. تتفضحي ازاي يا بت بطني عملتي ايه يا مرك يا جليله ماتجولي يا بت..
هتفت.... اجولك ياماي ايه اني استاهل الجتل اجولك اني اتجوزت من وراكو. 
لطمت جليله علي وشها ....يا مري يا حزني يا ڤضحتي انت بتجولي ايه.. دا ابوكي واخوكي يجتلوكي.. يا دي السواد هعمل ايه دلوك..
هتفت بدور.. ماتعمليش يام شاكر فيه غيرك عمل وشال شيله بتك.. ماتعمليش ورد شالت ڤضحتي وسترتني واتحطت مكاني.. بهتت جليله ....لتكمل بدور وتحكي لها لتحس بان قلبها سيخرح من مكانه.
هتفت جليله..... يا حزن الاسود كل ده جرا.. دا لو حد جاله خبر البلد هتولع حريجه والعيلتين هيجتلو بعض اخوكي شاكر هيجتل عزيز وعيله عزيز هتجتل ولدي.. يا مرك يا جليله اصلك ناجصه.. طب يا بت بطني ياللي فضحتيني.. اروح فين دلوك لو اتعرف هنعملو ايه.. 
صړخت بدور.. خلاص ماحدش هيعرف الحاج عابد جفل عالخبر ورمو الواد برات البلد.. بس الغلبانه نايمه مېته بسببي كان هيجتلها بسببي.. واجهشت بالبكاء..
لتنتفض بدور.. يا مري يا حزن الحزن انت يامه اللي جولتي عليها اكده في البلد كانت تصرخ انت . كانت تصرخ .
هجمت عليها امها لتجعلها تصمت ....اخرسي يا بت المحروج هتفضحيني..
بجي يا جادره يا فاجره تعملي اكده.. سنين وانا دلدول ليكي وساكت سنين وانا بعدي وساكت واجول خلاص كبرت يا وهدان مشي عيشتك الروبه. سنين وانا جاطم وساكت وشايل الطين من مره غلاويه.. تذل في مرت اخوي وبتها ولا نتكلم.. بس ما كتش اعرف انك فااجره اكده.. عشان غلك تفضحي الهلاليه .
شددها من شعررها للاسفل سححلا يمسح بها الارض وهيا تصرخ وهو ينهاال عليها ضرربا.. تعالي يا ابوي تعالي شوف التعبان اللي لابد في دارك.. تعال يا صابر يا اخوي شوف بتك مين اللي مرتي الحيه اللي نايمه تلدع فينا كلياتنا.. ايه الفجر ده انت ايه شيطان وانهاال عليها ضرربا ولم يقترب احدا فتهالك جابر الهلالي وصابر ينظل اليها بغل 
وبدور تنتحب بشده.. هتف وهدان... بس لاه خلاص اكده لحد اكده والحيه رجبتها تنجطع من الدار ده وتترمي براته..
لتصرخ جليله. ....لاه لاه يا وهدان لاه يا اخوي اني مرتك ودي داري لاه يابن عمي حجك عليا حجكو عليا كلكو.. 
صړخ وهدان.... ارحم شيبتك وما رحمتيش البت ليه مارحمتيش ڤضيحه عيله بحالها سنتين والبت محپوسه كيف الكلبه مافيه راجل جرب يطلبها بسببك يا فاجره.. ايه ده.. دانت عندك بت ماخفتيش يجر الها اكده. لتنكمش بدور فقد اصابها فعلا وكانت ستتفضح لولا ورد..
اكمل الله في سماه ماهتجعدي فيها ولا هتتسميلي مره بعد اكده وهرميكي رميه الكلاب برات الدار.. يا محروجه يا جوازه الشوم يا جهر السنين.. انت طالج يا جليله طالج.. جلبي ارتاح ويلا بره خلي البيت ينضف بجه الا الجرف عشش والتعابين سرحت بسببك مره سو ربنا ياخدك يا بعيده.. شاكر خد المره دي من اهنه ارميها في دارهم تخدم عنديهم كيف الكلبه بعد ما عملناها ست الدار لسنين.. روحي يا بت حمدان هتشوفي ذل السنين علي كبر.. كولي بجه غلك في حته تانيه عيش فجر وذل عيشي في داركو نسوان اخواتك يذلوكي كيف ما ذلتيهم.. غوري من اهنه اشحتي اللجمه الحاف منيهم.. روحي دار كلها ذل بعد ما كتي ست دار الهلاليه.. بره يا وش الشوم .. 
سقطت جليله عالارض ....يا مري يا خړاب بيتي اروح فين يادي الخړاب اللي حط عليا ابوس يدكو هملوني اهنه ماهنطوجش ولا هتكلم هشتغل خدامه بس في داري.. يا مرك يا جليله ليتركها الجميع ويرحلو لتشعر بالقهر وان هناك ايام ذل تنتظرها ليترد لها كل ما فعلته بورد ونعمات لتخرج بعد ان كانت ست دار الهلاليه لتخرج مذلوله منبوذه من الكل.. فالله
يمهل ولا يهمل.. وان ربك لبلمرصاد...
ميفو السلطان.... حكايات mevo
البارت التاسع عشر..
في الصباح استيقظ عزيز علي تاوهات ورد كان ملتصقا بها بشده جلس بجوارها وقلبه ينبض
بحب ....هتفوجي يا جلبي هتخافي وتتخضي عارف بس انا رديتك يا جلبي ليا رديتك يوم ما اترد روحي ليا رديتك يوم ماعرفت بجهري وجهرك وظلمي ليك..
رديتك دنيتي كلها ليا عارف هتطيني عيشتي يا رب ارحمني .
كانت تحاول ان تفيق ولكن جسدها يؤلمها ابتعد بهدوء حتي لا يفزعها فتحت عينيها لتجد معذبها ينظر اليها بحب وهيام .ارتجفت وانكمشت ليغمض عينه لظهور نظره الړعب في عينيها.
استغفر ربه.. فهمس بحب.. ماتخافيش والله ما فيش حاجه.. ماتبصليش اكده والله ماتخافي.. كانت لهفته عليها واضحه انخفض رهابها قليلا ولكنها متوجسه منه.. 
هتف.. انت منيحه حاسه بۏجع.. لتندهش من سواله فهو من فعل بها ذلك.. هتف ....اني عارف زمانك بتجولي عليا مچنون بس وصمت قليلا وهو يشعر بالخزي. ورد انا عرفت كل حاجه.. ليه ما جاتيش تجوليلي يا ورد مالكيش راجل يحامي عنك ويوجف جنبك.. فيه مره تروح لراجل غريب لحالها يا بت الناس.. عيل سو تروحيله لحالك ليه مش راجل اني عاد .. اني عارف ان اللي عملته چريمه ومش عارف هتتصلح ازاي بس اللي اعرفه اني ماكنتش في وعيي.. اقترب منها يضع يده يلاامس خددها.. 
صړخت هيا.. بعد يدك بعد يدك كانت ترتعش..
ابتعد پقهر .. خلاص خلاص والله لاه ماتترعبيش اكده والله ماهعمل حاجه يا ربي ايه ده جلبي بيتجطع.. صمت قليلا.. اني رديتك يا جلبي رديت روحي ليا.. 
قطبت جبينهاو نظرت اليه باسي فظيع وغلب شديد.. تنهد واستغفر.. . ورد والله حاسس اني اتحطيت في الوحل بيدي انا جتلت روحي بيدي.. انا مش لاجي كلام مش عارف انطج واصل.. بس يمين بالله ما حسيتش بنفسي ولد المحروج ده لما شفته ما حسيتش والله.. صمت فتره ثم نظر اليها نظره حب خطفت قلبها.. ورد بصيلي كويس.. انا بحبك وبعشجك يا ورد .....انصعقت من اعترافه.. ليقول ايوه يا ورد بحبك حب مالوش وصف انت كل دنيتي يا ورد.. كنت هجولك بحبك الف مره يوميها كنت هاجي اخدك واسمعك احلي كلام.. اجولك الڼار اللي جواتي.. بس اجول ايه.. والله ما حسيتش بنفسي لما شفتك في المخزن اني عارف اني جولت حاجات كلها تجرف حاجات تعيب بس ماحسيتش بنفسي.. ورد اني خابر زين انك اتوجعتي بس اديني فرصه ابوس يدك يا جلب عزيز .وضع يده علي بطنها.. عشان خاطر ده عشان يجي ينور حياتنا بين احضان ابوه امه لتندهش اكتر.. 
فاكمل.... ايوه عرفت انك حامل.. وان ربنا اراد انه ما يروحش يا ورد رغم اللي عملته فيكي ربك اراد ما يفرجنا ابدا يا جلب عزيز.. كانت تنظر اليه غير مصدقه فما مرت به كان بشع لياتي